Tag-ulan na nga pero hindi pa rin papaawat ang Bubble Gang ng GMA sa paghahatid ng katatawanan sa bawat tahanan!
Isa na diyan ang pagtatagisan ng mga gangsters ng mga baon nilang pick-up tungkol sa panliligaw at pagpapa-impress sa mga kababaihan. Sa pagkakataong ito, meron na kayang makatalo kay Boy Pick-Up?
Mapapasayaw naman kayo sa katatawa dahil bibigyang buhay nina Ogie Alcasid at Michael V. ang “Dan and Serye”, ang spoof ng pinakaunang Danserye sa Philippine TV, Time of my Life.
At ikukwento rin nila ang mga advantages ng pagkakaroon ng mabahong amoy sa Putok Positive (Advantages ng Mabaho).
Samantala, Ano kaya ang magiging reaksyon ni Bureche kapag nalaman niya na ang crush niyang si Brownie ay kasamang mag-recess ng kanyang kapatid na si Cheche? Masisira na nga ba ang samahan ng sikat na magkapatid?
Bago gumimik kasama ang mga kaibigan, siguraduhing huwag magpapahuli sa tawanan kasama ang iyong Bubble Gang barkada ngayong Biyernes ng Gabi, pagkatapos ng Time of my Life sa GMA!
Tweet
Share
